Wakati wa kutolewa kwa tangazo hilo, kwenye mji mkuu wa Kinshasa mwenyekiti wa tume hiyo Denis Kadima ameseama kwamba Tshisekedi amepata asilimia 73.34 ya kura milioni 13 zilizopigwa kutoka kwa jumla ya wapiga kura milioni 18 waliojiandikisha nchini humo. Awali kundi la wagombea urais kutoka upande wa upinzani kwenye uchaguzi huo waliomba wafuasi wao kujitokeza mitaani, ili kupinga matokeo ya awali ya zoezi hilo lililozua utata.
“ Tunapinga vikali uchaguzi huo bandia na matokeo yake,” wagombea wakuu wa upinzani walisema kupitia taarifa ya pamoja, wakidai kufanyika kwa uchaguzi mpya utakaosimamiwa na tume mpya ya uchaguzi, katika tarehe watakayokubaliana wote. “Tunaomba watu wajitokeze kwa wingi barabarani ili kupinga uchaguzi huo wenye udanganyifu,” taarifa yao imeongeza.
Forum